Тураператары павысілі курс даляра да 10 тысяч рублёў

Тураператар Tez Tour павысіў курс аплаты тураў да 10 тысяч беларускіх рублёў за даляр. Гэта ўжо другое павышэнне курсу на бягучым тыдні.

З 29 жніўня, напярэдадні агучвання беларускімі ўладамі мераў па выхаду з валютнага крызісу, тураператар павысіў курс да 9,5 тысяч з 8,5 тысяч, які выкарыстоўваўся з 24 мая (даты афіцыйнай дэвальвацыі беларускага рубля), паведамляе АФН.

Аплату тураў у еўра Tez Tour прымае па курсе 14000 беларускіх рублёў.