МВФ: Знешні доўг Беларусі вырасце да 85,6% ВУП

Міжнародны валютны фонд прагназуе павелічэнне валавога знешняга доўгу Беларусі да 68,3% ВУП у 2011 годзе з 52,1% ВУП у 2010 годзе.

Такі прагноз прыведзены ў дакладзе фонду па выніках абмеркавання постпраграмнага маніторынгу, праведзенага ў чэрвені бягучага года, паведамляе АФН.

Паводле ацэнак экспертаў фонду ў 2012 годзе валавы знешні доўг дасягне 72,5% ВУП, а ў 2016 годзе - 85,6% ВУП.

Знешні дзярждоўг, па ацэнцы экспертаў фонду, у 2011 годзе складзе 35,6% ВУП (супраць 22,1% у 2010 годзе), у 2012 годзе - 41,2% ВУП, у 2016 годзе - 55,9% ВУП.

Пры гэтым фонд ацэньвае дэфіцыт фінансавання на ўзроўні $ 6,3 млрд. у 2011 годзе і $ 4,7 млрд. у 2012 годзе, у 2013 годзе фонд чакае дэфіцыт у памеры $ 5,8 млрд.