Снапкоў: Крэдыт МВФ для нас некрытычны

Міністр эканомікі Беларусі Мікалай Снапкоў лічыць неабходным працягнуць перамовы з МВФ аб вылучэнні новага крэдыту для Беларусі.

Аб гэтым ён заявіў сёння журналістам, паведамляе БелТА.

На думку міністра, перамовы з МВФ аб супрацоўніцтве неабходна працягнуць, у той жа час новы крэдыт для Беларусі не крытычны. «Перамовы неабходна працягваць, хоць крэдыт не крытычны», - сказаў ён.

Перамовы з МВФ аб партнёрстве - гэта добры сігнал для інвестараў, упэўнены кіраўнік Мінэканомікі. На ягоную думку, гэты сігнал дэманструе, што сітуацыя ў краіне знаходзіцца пад кантролем і што Беларусь выходзіць на зададзеныя параметры.