У цэнтры Менска будуць будаваць «Пекін»

Падчас урачыстай цырымоніі, у якой прымаў удзел беларускі прэм'ер, закладзены першы камень у будаўніцтва гасцінічнага комплексу «Пекін» у цэнтры Менска.

Пяцізоркавы гасцінічны комплекс «Пекін» будзе размяшчацца ў паркавай зоне Менска на вуліцы Чырвонаармейскай, перадае БелТА.

Гэтае збудаванне стане не толькі ўпрыгожваннем горада, але і будзе прадстаўляць сабой дасягненні высокіх тэхналогій Кітая ў архітэктуры і будаўніцтве, заявіў прэм'ер-міністр Беларусі Міхаіл Мясніковіч.

Старшыня Менгарвыканкама Мікалай Ладуцька назваў пачатак будаўніцтва гасцінічнага комплексу «Пекін» значнай і ўрачыстай падзеяй.

«У ходзе ажыццяўлення праекта мы зможам атрымаць вялікі практычны досвед хуткага будаўніцтва, якім славіцца Кітай. Неабходны ўклад ўнясуць і беларускія будаўнікі», - падкрэсліў мэр Менска.