Палажанка асуджаная на 11 сутак, Яроменак - на 12

У гадавіну абвяшчэння «Пагоні» і бел-чырвона-белага сцяга дзяржаўнымі сімваламі Беларусі ў Менску затрыманыя маладафронтаўцы Анастасія Палажанка і Уладзімір Яроменак.

Маладыя людзі павінныя былі вывесіць у горадзе некалькі нацыянальных сцягоў, аднак былі затрыманыя супрацоўнікамі Цэнтральнага РУУС.

Судом Цэнтральнага раёна Анастасія Палажанка асуджаная да 11 сутак адміністрацыйнага арышту, Уладзімір Яроменак - да 12. Маладафронтаўцаў абвінавацілі ў парушэнні парадку правядзення і арганізацыі масавага мерапрыемства ч.3. арт. 23.34 КаАП РБ. Прысуд вынесла суддзя Наталля Вайцяховіч.