Міліцыя перашкаджае збіраць подпісы за Народны сход
35- 20.09.2011, 17:41
![Міліцыя перашкаджае збіраць подпісы за Народны сход](https://i.c97.org/p/20110920_tenuta_tokorenko_t.jpg)
У Гомелі міліцыя затрымала грамадскіх актывістаў Андрэя Цянюту і Васіля Такарэнку.
Яны збіралі подпісы жыхароў вуліцы Юбілейнай за правядзенне 8 кастрычніка Народнага сходу, паведамляе «Радыё Свабода».
Супрацоўнікі міліцыі забралі зборшчыка подпісаў у машыну і павезлі ў Чыгуначнае РАУС. Мабільная сувязь з імі абарвалася, і пакуль невядома, якія прэтэнзіі ім прад'яўляюць.
У пачатку верасня міліцыянты Чыгуначнага РАУС таксама затрымлівалі зборшчыкаў подпісаў. Пасля апытання іх адпусцілі, скапіраваўшы, аднак, лісты з подпісамі жыхароў у падтрымку Народнага сходу.