Дырэктарка Ліцэя БНТУ адмовілася каментаваць адлічэнне Рамана Пратасевіча

«Не хачу весці размову на гэтую тэму», — заявіла Галіна Галяш.

Яна абурана тым, што да яе адразу не звярнуліся журналісты, а запісалі ўсё са слоў непаўналетняга Рамана. І «раздзьмулі скандал», — кажа яна. Але жанчына не захацела назваць афіцыйную версію адлічэння юнака, каб праясніць сітуацыю, паведамляе "Наша нiва".

Нагадаем, 16-гадовы Раман Пратасевіч заявіў, што яго адлічылі з Ліцэя БНТУ за ўдзел у акцыі пратэсту. А праз ідэйны канфлікт з бацькамі пасля адлічэння ён пакінуў дом.