Ежы Бузэк: Еўразвяз, які паверыў Лукашэнку, выглядае недарэчна

Пасля 19 снежня 2010 года Еўразвяз, які паверыў абяцанням беларускіх уладаў, выглядае недарэчна.

Пра гэта заявіў у эксклюзіўным інтэрв'ю БелаПАН старшыня Еўрапарламента Ежы Бузэк.

«Але ўсё ж мы ніколі не пакінем надзею, што ў Беларусі адбудуцца станоўчыя змены, - сказаў ён. - Мы павінныя захоўваць аптымізм і марыць аб лепшым. У Польшчы мы таксама доўга чакалі пераменаў, і нашыя мары сталі рэальнасцю. Сёння вы таксама пакуль толькі марыце, але праз некалькі гадоў вашыя мары спраўдзяцца».

Бузэк падкрэсліў, што ЕЗ нягледзячы ні на што разьлічвае на перамены ў Беларусі. «Мы спадзяемся, але пры гэтым павінныя быць вельмі асцярожнымі», - адзначыў ён.