Саміт «Усходняе партнёрства» патрабуе вызвалення палітвязняў

Саміт «Усходняе партнёрства» патрабуе, каб беларускія ўлады «вызвалілі палітвязняў».

Аб неабходнасці дэмакратычных зменаў у Беларусі заявіў па выніках саміту «Усходняе партнёрства», які адбыўся ў Варшаве, польскі прэм'ер-міністр Дональд Туск, паведамляе «Интерфакс-Запад».

«Мы пасылаем канкрэтныдакладны сігнал беларускім уладам вызваліць і рэабілітаваць палітычных зняволеных», - заявіў таксама Д. Туск на выніковай прэс-канферэнцыі ў пятніцу.

У сваю чаргу кіраўнік Еўрапейскай камісіі Жазэ-Мануэль Барозу падкрэсліў, што магчымасці збліжэння з Беларуссю Еўразвяз звязвае з дэмакратызацыяй ў гэтай краіне.

Ён таксама падкрэсліў важнасць такіх каштоўнасцяў, як правы чалавека, павагу асноўных дэмакратычных свабод і развіццё грамадзянскай супольнасці для ўсіх дзяржаваў-удзельніц праграмы «Усходняе партнёрства».

У прынятай на саміце дэкларацыі выяўляецца глыбокая занепакоенасць сітуацыяй з дэмакратыяй у Беларусі.

Дакумент паказвае на парушэнні правоў чалавека і дэмакратычных нормаў, асуджае парушэнні свабоды СМІ ў краіне. У дэкларацыі змяшчаецца патрабаванне да беларускіх уладаў аб неадкладным вызваленні і рэабілітацыі палітычных зняволеных, спыненне пераследу незалежных СМІ і пачатку дыялогу з апазіцыяй.

«ЕЗ таксама глыбока занепакоены паведамленнямі аб тым, што зняволеныя пазбаўленыя магчымасці сустракацца са сваімі сем'ямі, адвакатамі і прадстаўнікамі СМІ. Яны падвяргаюцца псіхалагічнаму і фізічнаму ціску», - падкрэсліваецца ў дэкларацыі.

У адсутнасць на саміце прадстаўнікоў Беларусі, дэкларацыю падпісалі прэзідэнты Азербайджана, Арменіі, Грузіі, Украіны і прэм'ер-міністр Малдовы.