Прадпрыемствам няма чым плаціць па пазыках

Пратэрмінаваная крэдыторская запазычанасць прадпрыемстваў і арганізацый на 1 верасня 2012 года склала 13,6 трлн. рублёў і ў параўнанні з 1 верасня 2011 года вырасла ў 1,6 разоў.

За студзень-жнівень адбыўся прырост пратэрмінаванай крэдыторскай запазычанасці на 31,9%, у тым ліку за жнівень - зніжэнне на 0,5%, перадае БелаПАН.

На долю арганізацый прамысловасці прыпадала 42,6% пратэрмінаванай крэдыторскай запазычанасці, сельскай гаспадаркі - 26,8%, гандлю і паслуг па рамонце аўтамабіляў, бытавых вырабаў і прадметаў асабістага карыстання - 12,8%, будаўніцтва - 8,8%, транспарту - 3 , 9%, па аперацыях з нерухомай маёмасцю, арэндай і прадастаўленнем паслуг спажыўцам - 4,5%.

Уся крэдыторская запазычанасць на 1 верасня 2012 года склала 169,6 трлн. рублёў і ў параўнанні з такой жа леташняй датай вырасла ў 1,8 разы, за студзень-жнівень - на 20,9%, у тым ліку за жнівень - на 3,5%.

Дэбіторская запазычанасць на 1 верасня 2012 года склала 141,3 трлн. рублёў і ў параўнанні з 1 верасня 2011 года вырасла ў 1,8 разы, за студзень-жнівень - на 32%, у тым ліку за жнівень - на 0,9%.

Пратэрмінаваная дэбіторская запазычанасць на 1 верасня 2012 года склала 15,2 трлн. рублёў, ці 10,8% усяго аб'ёму дэбіторскай запазычанасці супраць 12,4% на 1 верасня 2011 года. У параўнанні з 1 верасня 2011 года пратэрмінаваная дэбіторская запазычанасць павялічылася ў 1,6 разоў, за студзень-жнівень 2012 года - на 30,9%, у тым ліку за жнівень - на 0,5%.

У агульным аб'ёме пратэрмінаванай дэбіторскай запазычанасці на долю арганізацый прамысловасці прыпадала 45,7%, арганізацый гандлю, па рамонце аўтамабіляў, бытавых вырабаў і прадметаў асабістага карыстання - 28,7%, будаўніцтва - 9,1%, па аперацыях з нерухомай маёмасцю, арэндай і аказаннем паслуг спажыўцам - 7,3%, сельскай гаспадаркі - 3,9%.