У Полацку згарэў склад Глыбоцкага камбікормавага завода (Фота)

Учора ў Полацку адбыўся сур'ёзны пажар на тэрыторыі вытворчага ўчастка па вытворчасці прадукцыі птушкагадоўлі.

Агнём знішчаны склад гатовай прадукцыі, які належыць ААТ «Глыбоцкі камбікормавы завод», паведамляе «Ежедневник».

Высвятленнем прычын пажару займаецца Следчы камітэт.

Як атрымалася высветліць, у дванаццатай гадзіне дня загарэўся будынак, размешчаны побач з кацельнай вытворчага ўчастка. Ачаг узгарання выявіў апальшчык прадпрыемства, які ў той момант знаходзіўся ў кацельнай. Ён сам паспрабаваў заліць агонь вадой. Але, уласнымі сіламі справіцца са стыхіяй яму не ўдалося. Толькі праз нейкі час галоўны заатэхнік выклікаў супрацоўнікаў МНС.

Да месца выкліку былі накіраваны 8 адзінак пажарнай спецтэхнікі. Да моманту іх прыбыцця ўжо назіралася адкрытае гарэнне ў будынку склада яек 2008 года пабудовы. Існавала небяспека і ўзгарання размешчаных побач двух птушнікаў, у якіх знаходзілася па 50 тысяч курэй у кожным. Пажарныя прынялі ўсе меры, каб мінімізаваць шкоду. У выніку ў адным з птушнікаў пацярпеў толькі дах, а ў іншым - тэхналагічнае абсталяванне. Абараніць склад гатовай прадукцыі не ўдалося. Як паведамілі ў Віцебскім абласным упраўленні МНС, у выніку пажару ў памяшканні склада плошчай 15х20 метраў знішчаны дах і адна сцяна, пашкоджаныя астатнія сцены. Ніхто з работнікаў прадпрыемства не пацярпеў.