Ладуцька: Праезд павінен каштаваць Br5 тысяч

Сабекошт праезду ў грамадскім транспарце Менска перавышае Br5 тыс.

Пра гэта паведаміў сёння на прэс-канферэнцыі старшыня Менгарвыканкама Мікалай Ладуцька.

Каля 65% выдаткаў на арганізацыю транспартнага абслугоўвання насельніцтва кампенсуецца з бюджэту. Штогод у гарадскім бюджэце прадугледжваюцца значныя сродкі на гэтыя мэты, бягучы і наступны год - не выключэнне. Памер дзяржпадтрымкі рэгулюецца. «Мы ідзем па шляху паэтапнага павелічэння кошту праезду. Гэта непазбежна», - сказаў Мікалай Ладуцька, дадаўшы, што не пазбегнуць павышэння і ў наступным годзе, але яно не будзе рэзкім, а плыўным, практычна не прыкметным для жыхароў, як у цяперашнім годзе.

Ён праінфармаваў, што ў горадзе намячаецца рэалізацыя буйнога інвестыцыйнага праекта ў сферы транспарту і камунікацый. Праводзіцца работа па ўкараненні электроннага білета, які дазволіць рэгуляваць кошт паездак у залежнасці ад далёкасці, а таксама па абсталяванню прыпыначных пунктаў электроннымі табло. Праект ацэньваецца ў Br150-170 млрд., перадае БелТА.

Нагадаем, з 3 кастрычніка аднаразовая паездка ў грамадскім транспарце Менска каштуе 1700 рублёў супраць 1500 рублёў да гэтага. Раней таксама на 200 рублёў праезд даражэў вясной.