За расцяжку «Свабоду палітвязням» - штраф

Актывіста БХД з Наваполацку, які раніцай 8 кастрычніка спрабаваў вывесіць расцяжку «Свабоду палітвязням», аштрафавалі на тры базавыя велічыні.

Сяргея Малашонка прызналі вінаватым у правядзенні несанкцыянаванага масавага мерапрыемства, паведамляе прэс-служба Беларускай хрысціянскай дэмакратыі.

Нагадаем, у Наваполацку раніцай былі затрыманыя актывісты аргкамітэта па стварэнні партыі БХД Сяргей Малашонак і яго сябар. Маладых людзей затрымалі, калі яны збіраліся вывесіць расцяжку «Свабоду палітвязням!».