Менскі міліцыянт застрэліўся прама на працоўным месцы

Афіцэр стрэліў сабе ў скронь з табельнага пісталета сістэмы Макарава і памёр імгненна.

Пра тое, што ў гарадскім аддзеле міліцыі №2 Фрунзенскага РУУС Менска, размешчаным на вуліцы Адзінцова, 47, прама падчас нясення службы застрэліўся аператыўны дзяжурны, на Гарачую лінію партала TUT.BY паведаміў ананімны карыстальнік.

Ва Упраўленні Следчага Камітэта Беларусі па гораду Менску заявілі, што ў СК крымінальнай справы па гэтым выпадку няма, а чуткі тут каментаваць не могуць.

Некаторыя падрабязнасці ўдалося атрымаць толькі ад інфармаванай крыніцы, якая пажадала застацца неназванай. Паводле яе слоў, усё адбылося ў ноч з 29 на 30 кастрычніка ў пакоі адпачынку аддзялення. Афіцэр міліцыі стрэліў сабе ў скронь з табельнага пісталета сістэмы Макарава і загінуў імгненна. У гэты час на суседнім ложку адпачываў эксперт-крыміналіст таго ж аддзялення - куля прайшла навылёт літаральна ў некалькіх сантыметрах ад яго. Міліцыянт, які выжыў, пры гэтым атрымаў настолькі сур'ёзны стрэс, што яму спатрэбілася дапамога спецыяліста-псіхолага.

Вядома, што ў загінулага міліцыянта засталіся жонка і двое дзяцей. Ні праблем у сям'і, ні якіх-небудзь непрыемнасцей па службе ў яго не было, а ў кіраўніцтва ён знаходзіўся на добрым рахунку. Што менавіта вымусіла супрацоўніка міліцыі звесці рахункі з жыццём, так і засталося загадкай.

На жаль, дадзеная трагедыя далёка не першая ў гісторыі беларускай міліцыі. Толькі за апошнія гады здзяйснялі самагубствы міліцыянты ў Бярозе і Магілёве, а ў Шчучыне супрацоўнік МУС, які нядаўна зволніўся, забіў дачку, параніў жонку і застрэліўся сам.