Акцызы на бензін паднімуць на 20%, на алкаголь - на 61%

З 1 студзеня 2013 года на 20% будуць павялічаны стаўкі акцызаў на бензін, у 1,5-2,1 раза - на цыгарэты, на 11,8-61,6% - на алкаголь.

Гэта прадугледжана законам РБ № 431-З ад 26 кастрычніка 2012 года, якім унесены змяненні і дапаўненні ў Падатковы кодэкс рэспублікі, піша АФН.

Згодна з дакументам, стаўка акцызу на бензін з актанавым лікам 95 і вышэй складзе 1 млн. 231 тыс. 500 рублёў за тону, на бензін з актанавым лікам ад 91 да 95 - 1 млн. 544 тыс. рублёў, з актанавым лікам да 91 - 1 млн. 751тыс. 100 рублёў. Стаўка акцыза на дызельнае паліва ўстаноўлена ў памеры 991 тыс. 800 рублёў.

Таксама з 1 студзеня 2013 года ў 1,5-2,1 раза павышаюцца стаўкі акцызаў на цыгарэты.

Стаўка акцызу на цыгарэты I групы (рознічны кошт якіх складае да Br5 тыс. за пачку) з 1 студзеня па 30 чэрвеня складзе Br60,2 тыс. (тут і далей за 1 тыс. штук), што ў 2,1 раза больш стаўкі, што дзейнічае ў цяперашні час. З 1 ліпеня стаўка будзе павялічана яшчэ ў 1,7 раза да 100,400 тыс.

На цыгарэты II групы (пры кошце ад Br5 тыс. да Br8 тыс.) акцыз з 1 студзеня будзе павялічаны ў 1,7 раза да Br140, 600 тыс., з 1 ліпеня яшчэ на 14,2% - да Br160,600 тыс.

На цыгарэты III групы (пры кошце больш за Br8,0 тыс.) акцыз з 1 студзеня складзе Br160,600 тыс. (рост у 1,5 раза), з 1 ліпеня - Br180,600 тыс. (рост на 12,4%) .

У Беларусі таксама з 1 студзеня 2013 года стаўкі акцызаў на алкагольныя напоі, піва і спірт будуць павялічаны на 11,8-61,6%.