Помнік Леніну ў Менску аблілі валяр'янкай

Актывісты «Маладога фронту» аблілі помнік на плошчы Незалежнасці.

Актывіст арганізацыі і былы палітвязень Уладзімір Яроменак быў затрыманы аховай Дома ўрада падчас падрыхтоўкі да акцыі, паведамляе mfront.net.

У мінулым годзе актывісты «Маладога фронту» ў гадавіну рэвалюцыі 1917 года закідалі помнік яйкамі.

Суд над Уладзімірам Яроменкам пройдзе 8 лістапада.

Нагадаем, Беларусь застаецца адзінай краінай на постсавецкай прасторы, якая афіцыйна адзначае дзень бальшавіцкага перавароту ў Расеі.