Каля Мінпрацы паклалі гіру з кайданамі
21- 27.12.2012, 15:05
26 снежня беларускімі нацыянал-бальшавікамі была праведзеная акцыя ў рамках кампаніі за адмену Дэкрэта N 9, які ўзаконіў «прыгоннае права».
Каля галоўнага ўваходу ў Міністэрства працы і сацыяльнай абароны, міністр якога на днях выступіла з заявай, якае ўхваляе прыняцце гэтага дэкрэта, на ланцуг былі прыкаваныя сімвалічныя нажныя кайданы з гірай. Гэты інвентар у бліжэйшы час будзе вельмі запатрабаваны супрацоўнікамі міністэрства і кіраўнікамі прадпрыемстваў дрэваапрацоўчай прамысловасці, лічаць арганізатары акцыі.
Ахоўнікі міністэрства паспрабавалі затрымаць удзельнікаў акцыі, але ім не хапіла паваротлівасці, адзначаецца ў прэс-рэлізе нацболаў.