Беларусь - сярод самых небяспечных для інтэрнэт-сёрфінгу краін

Беларусь на пятым месцы па ступені рызыкі заражэння, якому падвяргаюцца кампутары падчас вэб-сёрфінгу ў розных краінах свету.

Лідэрам жа стаў наш усходні сусед - больш за 55% унікальных інтэрнэт-карыстальнікаў у Расеі падвяргаліся нападам ў Сеціве, паведамляе «Інтэрфакс».

«Статыстыка сутыкнення з кіберпагрозамі падчас вэб-сёрфінгу, па сутнасці, паказвае ўзровень агрэсіўнасці асяроддзя, у якім працуе кампутар, - адзначыў Юрый Намеснікаў, аўтар справаздачы. - Так, у мінулым годзе гэты паказчык вырас у цэлым па свеце на 2% і склаў 32,3%».

Да групы самых бяспечных падчас сёрфінгу ў Інтэрнэце краін (0-20%), паведамілі эксперты, можна прылічыць 9 дзяржаў: Эфіопію (20,5%), Гаіці (20,2%), Данію (19,9%), Нігер ( 19,9%), Таго (19,6%), Бурундзі (18,6%), Зімбабвэ (18,6%), Бенін (18,0%) і М'янму (17,8%).

За выключэннем Даніі, група бяспечных краін амаль цалкам складаецца з пачаткоўцаў рэйтынгу - краін, якія развіваюцца Афрыкі і Азіі. «Інтэрнэт там пакуль яшчэ не вельмі добра развіты, і для абмену файламі актыўна выкарыстоўваюцца розныя знешнія носьбіты», - пракаментавалі статыстыку спецыялісты «Лабараторыі Касперскага».