Яшчэ ўчора Алесь Бяляцкі быў на Валадарцы
4- 21.02.2012, 16:11
Пра гэта сябры Праваабарончага цэнтра «Вясна» даведаліся з паштоўкі, атрыманай сёння ад Алеся Бяляцкага з менскага СІЗА-1.
«Добры дзень! Праездам апынуўся на сваім старым месцы ў родных сценах Валадаркі. Адчуваю, хутка паеду (павязуць) далей. Адчуваю вашыя флюіды... :)»
На паштовым штампе прастаўленая дата - 20.02.12.
Нагадаем, што пасля суда вядомага праваабаронца, прысуджанага да 4,5 гадоў пазбаўлення волі, трымалі ў Жодзінскай турме. На днях з'явілася інфармацыя, што яго накіравалі ў Бабруйскую калонію.
