Попыт на валюту перавышае прапанову ў 6 разоў

На таргах Беларускай валютна-фондавай біржы 3 лютага быў зафіксаваны рост курсу даляра.

Амерыканская валюта вырасла на 20 рублёў і яе курс склаў 8330 рублёў. Падзенне беларускага рубля па адносінах да даляра на таргах выкліканае тым, што попыт на амерыканскую валюту перавышаў прапанову больш чым у шэсць разоў. Попыт на даляр склаў 20,7 млн, прапанова - 3,5 млн, перадае «Тэлеграф».

Курс еўра знізіўся на 10 рублёў і склаў 11070 рублёў. Курс расейскага рубляз астаўся на ранейшым узроўні - 279 рублёў.

Па выніках таргоў 2 лютага на Беларускай валютна-фондавай біржы рубель абясцэніўся па адносінах да ўсіх трох асноўных валют.