Бел-чырвона-белы сцяг над Віцебскам (Фота)
18- 8.02.2012, 10:06
Яго вывесілі ў знак салідарнасці з Сяргеем Каваленкам і ўсімі палітвязнямі.
8 лютага каля сямі гадзін раніцы ў Віцебску на асвятляльнай вышцы над чыгуначнымі шляхамі недалёка ад Полацкага рынка быў вывешаны нацыянальны бел-чырвона-белы сцяг, паведамляе news.vitebsk.cc.
Па тэлефоне з рэдакцыяй «Народных навінаў Віцебску» звязаўся актывіст Тарас Сурган і заявіў, што гэтая акцыя здзейсненая ім разам з братам Алегам ў знакс алідарнасці са зняволеным Сяргеем Каваленкам і ўсімі палітвязнямі Беларусі.
На вышцы ў святле пражэктара сцяг пралунаў амаль да васьмі гадзін, пасля чаго ён быў зняты людзьмі ў цывільным.
Нагадаем, што Сяргей Каваленка знаходзіцца ў СІЗА і трымае галадоўку з 19 снежня 2011 года. Ён абвінавачваецца ва ўхіленні ад адбыцця пакарання - так званай «хатняй хіміі» - якое ён атрымаў за вывешванне 7 студзеня 2010 года бел-чырвона-белага сцяга на галоўнай навагодняй ёлцы Віцебска.
