Піебалгс: Лукашэнка не пакінуў Еўразвязу выбару

У Беларусі адбываюцца цяжкія парушэнні правоў чалавека, таму Еўрапейскі Звяз вымушаны зрабіць больш жорсткім санкцыі супраць гэтай дзяржавы.

Пра гэта выданню Diena заявіў еўракамісар па супрацоўніцтве ў развіцці Андрыс Піебалгс.

«Зразумела, што ў нас з Беларуссю - палітычная праблема», - адзначыў еўракамісар. Па словах Піебалгса, немагчымасць палітычнага кампрамісу змушае ЕЗ ісці на жорсткія меры супраць кіраўніцтва краіны і прадпрымальнікаў, звязаных з рэжымам Аляксандра Лукашэнкі.

«Калі Беларусь вырашыць змяніць палітыку, ЕЗ, хутчэй за ўсё, вырашыць адмяніць санкцыі. Трэба разумець, што ў Беларусі адбываюцца цяжкія парушэнні правоў чалавека. У ЕЗ няма выбару», - адзначыў Піебалгс.

Еўракамісар таксама адзначыў, што ў выпадку паляпшэння адносінаў Еўразвяз гатовы вылучыць для Беларусі буйныя сродкі. «У Беларусь можна прыцягнуць значна больш грошай, чым да любога з маіх афрыканскіх кліентаў. Праблема менавіта ў палітычных адносінах, таму што аб'ём грошай, які можна вылучыць Беларусі, значна вышэйшы, чым, напрыклад, для Эфіопіі», - сказаў ён.