Яўген Ворсін: «Эканоміка сёння ў краіне - арэлі»

29 сакавіка ў офісе Беларускай федэрацыі хакея адбылася сумесная нарада кіраўнікоў клубаў адкрытага чэмпіянату Беларусі і галоўных трэнераў каманд.

У нейкі момант размова са справаў спартовых перакінулася на іншыя тэмы. І тут прагучала нечаканае адкрыццё з вуснаў кіраўніка хакейнай федэрацыі Яўгена Ворсіна.

«Эканоміка сёння ў краіне - арэлі. Наступіць стабільнасць, тады і лічбы будуць стабільнымі. А пакуль у «Нафтана» даўгі, як сказаў мне губернатар Віцебскай вобласці. Нафта не прапампоўваецца», - цытуе Goals.by Ворсіна.

Нечакана чуць такое ад кіраўніка Беларускай федэрацыі хакея, бо толькі тыдзень таму Лукашэнка заявіў, што «вынікі працы эканомікі як мінімум абнадзейваюць».