На пытанне аб «невыязных» Жадобін кінуў слухаўку

Падчас прамой лініі Юрый Жадобін не адказаў на пытанне, чаму «невыязных» апазіцыянераў абвінавачваюць ва ўхіленні ад вайсковай службы.

Карэспандэнт «Нашай Нівы» даведаўся, што 30 сакавіка з 10.00 да 11.00 міністр абароны Юрый Жадобін праводзіць прамую тэлефонную лінію.

Журналісты вырашылі высветліць у чыноўніка, чаму журналістаў і грамадскіх дзеячаў непрызыўнога ўзросту абвінавачваюць ва ўхіленні ад прызыву на ваенную службу. І па гэтай прычыне не выпускаюць за мяжу.

Датэлефанавацца да Юрыя Жадобіна было няпроста. Калі ж на іншым канцы пачулася: «Міністр абароны слухае...», папрасілі яго растлумачыць сітуацыю.

Пасля агучанага пытання мужчынскі голас папрасіў хвілінку пачакаць. А праз некалькі секунд у слухаўцы пачуліся кароткія гудкі.

Магчыма, праблемы на лініі? Набіраем нумар яшчэ і яшчэ. З разы 10. Адказаў міністр Жадобін. Ізноў задаем пытанне. Але ў слухаўцы ізноў пайшлі кароткія гудкі.

Тэлефанаваць трэці раз міністру абароны з нязручным пытаннем не сталі.