Віцебскія апазіцыянеры - за актыўны байкот «выбараў»

У Віцебску створаны камітэт па ажыццяўленні актыўнага байкоту парламенцкіх «выбараў» і арганізацыі назірання на іх.

Пра гэта паведаміла віцебская абласная каардынатарка па стварэнні партыі «Беларуская хрысціянская дэмакратыя» Тацяна Севярынец.

Пагадненне падпісалі БХД, КХП-БНФ, «Малады фронт», «Еўрапейская Беларусь», Рух салідарнасці «Разам» і аргкамітэт па правядзенні Народных сходаў.

Раней за байкот выступілі кааліцыі дэмакратычных сіл Брэсцкай вобласці, Бабруйска, Полацка, Наваполацка і Рагачова, нагадвае прэс-служба БХД.