Эгідыюс Варэйкіс: Не варта спяшацца з высновамі

Вызваленне лідара беларускай апазіцыі Андрэя Саннікава - гэта радасная падзея, але не кажа яшчэ пра змены ў палітыцы Лукашэнкі, лічыць дэпутат літоўскага парламента.

«Гэта радасная падзея, вельмі добры крок. Але ці паказвае гэта нейкія перамены ў Беларусі - з такімі высновамі я б не стаў спяшацца. Паглядзім, паназіраем, але не трэба спяшацца з вялікімі высновамі», - сказаў BNS 15 красавік Варэйкіс, піша ru.delfi.lt.

«Беларускі рэжым неаднаразова так рабіў - былі моцнае ціск, рэпрэсіі, а потым патроху гайкі паслаблялі, у надзеі на нешта з боку Захаду», - сказаў Варэйкіс.

Саннікаў, прысуджаны ў 2011 годзе да 5 гадоў турэмнага зняволення, 14 красавіка нечакана быў вызвалены. 15 красавіка паведамілі аб тым, што на волю выйшаў і яшчэ адзін апазіцыянер - Зміцер Бандарэнка.

Былы віцэ-міністр замежных спраў Беларусі Саннікаў быў адным з самых яркіх апанентаў Лукашэнкі на прэзідэнцкіх выбарах у снежні 2010 года.

Кандыдат у прэзідэнты Беларусі Андрэй Саннікаў быў арыштаваны 19 снежня 2010 года і асуджаны на пяць гадоў пазбаўлення волі ў калоніі ўзмоцненага рэжыму па абвінавачванні ў арганізацыі «масавых беспарадкаў». Так улады называлі шматтысячную мірную акцыю пратэсту супраць фальсіфікацыі вынікаў прэзідэнцкіх выбараў 19 снежня 2010 года.