Жыхары Уручча ўсё яшчэ вераць у «добрага цара» (Фота)

Жыхары Уручча правялі суботнік у знак пратэсту ўшчыльнення і рыхтуюцца да новага мітынгу.

Onliner.by працягвае сачыць за адным з самых вострых горадабудаўнічых канфліктаў апошніх месяцаў. Сваімі рашучымі дзеяннямі жыхары Уручча ўжо даказалі, што не аддадуць «без бою» пляцоўку пад будаўніцтва 19-павярховага дома на вул. Русіянава. Тым не менш гарадскія ўлады па-ранейшаму не ідуць на кампрамісы і запэўніваюць, што ўшчыльненне законнеа. На мінулых выходных пратэстоўцы змянілі тактыку: людзі выйшлі ў сквер з рыдлёўкамі, граблямі і саджанцамі і добраўпарадкавалі зялёную зону, дзе намечанае будаўніцтва.

Нагадаем, на мінулым тыдні працаўнікі Зелянбуда спілавалі 12 клёнаў на будпляцоўцы і дзве бярозы ў скверы на рагу вуліц Русіянава і Шугаева. Жыхары бліжэйшых дамоў не змаглі іх спыніць, паколькі да месца канфлікту падаспела міліцыя і прыстрашыла арыштам. Праз два дні, нягледзячы на дажджлівае надвор'е, не менш за паўсотні людзей выйшлі на стыхійны мітынг, трымаючы ў руках плакаты «Спадар прэзідэнт, ратуйце ад свавольства», «Будоўлі не!», «Патрабуем выконваць закон». На бліжэйшы час запланаваны чарговы мітынг супраць ўшчыльнення.

Дадамо, што ў апошні час усе сходы жыхароў раёна праходзяць пад наглядам міліцыі і відэааператараў ў цывільным.