Аліневіч: «Хоць нешта добрае ў гэтым кашмарным ланцужку»

Валянціна Аліневіч атрымала адразу 3 лісты ад сына, палітвязня Ігара Аліневіча.

Лісты бадзёрыя. Ігар вельмі рады, што вызваленыя Андрэй Саннікаў і Зміцер Бандарэнка, перадае самыя лепшыя пажаданні ім і іхнім блізкім, паведамляе сайт АГП.

«...Добрыя навіны і радасныя падзеі - то бок, так і хочацца напісаць. Даведаўся, што выпусцілі нарэшце Саннікава і Бандарэнку. Вядома ж, мае найлепшыя пажаданні Алегавічу і Ірыне ў сувязі з уз'яднаннем, а таксама Зміцеру і Вользе. Хоць нешта добрае ў гэтым кашмарнай ланцужку! Спадзяюся, што жывыя і здаровыя.

Са мной усё ў парадку, настрой пазітыўны, дух - высокі. На днях пачуў шчабятанне птушак. Самыя сапраўдныя ястрабы палююць на галубоў. Зачаравальнае відовішча! Але галубы ў выніку спрытнейшыя. Абнадзейлівы прыклад са свету прыроды», - піша палітвязень.

Нагадаем, Аліневіч быў узяты пад варту 29 лістапада 2010 года, асуджаны 27 мая 2011 года судом Заводскага раёна Менска па ч. 2 арт. 339 КК (злоснае хуліганства), ч. 2 і ч.3 арт.218 КК (пашкоджанне маёмасці агульнанебяспечным спосабам і ў асабліва буйным памеры) да 8 гадоў пазбаўлення волі ва ўмовах узмоцненага рэжыму. Знаходзіцца ў калоніі № 10 у Наваполацку.