У БДУ зноў павялічылі кошт навучання

Услед за БДУІР кошт навучання павялічваецца і ў іншых беларускіх ВНУ.

Як паведамілі Onliner.by ў прэс-службе Беларускага дзяржаўнага універсітэта, загад рэктара аб павелічэнні кошту павінен быць падпісаны ў самы бліжэйшы час. Навучанне падаражэе на 3-5% у залежнасці ад факультэта. Даплату неабходна будзе зрабіць да 30 чэрвеня. Тэкст загаду павінен з'явіцца на афіцыйным сайце універсітэта.

А вось кіраўнік прэс-цэнтра БНТУ Анатоль Конанаў распавёў, што ў гэтай ВНУ павышэнне аплаты пакуль не разглядаецца. «Навучальны год заканчваецца, мы не можам выходзіць за межы, усталяваныя міністэрствам, - адзначыў ён. - У той жа час ідзе размова аб павышэнні стыпендый нашым студэнтам. Мінімальная планка будзе знаходзіцца на ўзроўні 600 тыс. рублёў на месяц».

Нагадаем, у БДУІР кошт навучання павялічыўся на 3-5%. Там патлумачылі гэта павелічэннем з 1 мая тарыфнай стаўкі першага разраду.

Папярэдняе падаражэнне навучання на платных аддзяленнях беларускіх ВНУ было ў лютым. Ужо тады, напрыклад, год навучання ў БДУ на некаторых факультэтах каштаваў больш за 12 млн рублёў.