Аўтара плаката «Мусарок» ужо тыдзень шукае міліцыя (Відэа)

Жарт маладога чалавека міліцыянты не зразумелі.

Івана Амельчанку, які падчас сёлетняга «Чарнобыльскага шляху» трымаў плакат «Мусорок» побач з невядомым відэааператарам ў цывільным, ужо тыдзень шукаюць праваахоўныя органы. Кожны дзень каля ягонай кватэры дзяжураць супрацоўнікі міліцыі, паведамляе ПЦ «Вясна».

Маці Івана Амельчанкі на гэтым тыдні патэлефанавалі з міліцыі і паведамілі, што хочуць выклікаць маладога чалавека ў якасці сведкі па справе аб масавых беспарадках 19 снежня 2010 года. Між тым, гэтая справа на cёння ўжо закрытая.