Хрысціянскіх дэмакратаў з Галандыі не ўпусцілі ў Беларусь

Сябры хрысціянска-дэмакратычнай партыі Галандыі планавалі прыняць удзел у адукацыйным семінары.

У амбасадзе Беларусі ў Нідэрландах ім візы выдалі. Але праз дзве гадзіны пасля таго, як вярнулі пашпарты, актывістам патэлефанавалі з беларускай амбасады і паведамілі, што іміграцыйнай службы Беларусі анулявалі іхнія візы, піша bchd.info.

«Гэтая забарона сведчыць аб панічным страху ўладаў перад усімі арганізацыямі Беларусі, якія заклікаюць да байкоту. Яна працягвае ператвараць Беларусь у закрытае гета ў самым цэнтры Еўропы. Дадзеная забарона сведчыць аб тым, што ўлады не збіраюцца ніякім чынам ісці на паляпшэнне сітуацыі з правамі чалавека ў краіне і на правядзенне вольных выбараў», - адзначыў сустаршыня БХД Віталь Рымашэўскі.