Кіраўнік ПАРЕ: Дзіўна весці дыялог з беларускімі ўладамі

Беларусь не спяшаецца запрашаць назіральнікаў на «выбары».

Парламенцкая Асамблея Рады Еўропы пакуль не атрымала запрашэння ад уладаў Беларусі для назірання за «парламенцкімі выбарамі» 23 верасня.

Пра гэта заявіў кіраўнік асамблеі Жан-Клод Міньён, паведамляе РІА Новости.

Кіраўнік ПАРЕ крытычна выказаўся пра ўзаемаадносіны з Менскам.

«Крыху дзіўна весці дыялог, калі кажа адзін бок. Для дыялогу патрэбныя двое», - сказаў ён.