«Белтэлекам» збіраецца зноў павышаць кошты

Усе магчымыя павышэнні тарыфаў на паслугі сувязі і перадачы дадзеных Нацыянальнага аператара электрасувязі будуць праходзіць у межах тэмпаў інфляцыі.

Аб гэтым паведаміў сёння журналістам генеральны дырэктар РУП «Белтэлекам» Сяргей Папкоў, адказваючы на пытанне карэспандэнта БелТА.

Ён адзначыў, што ў 2011 годзе «Белтэлекам» не павышаў тарыфы, нягледзячы на высокую інфляцыю. У 2012 годзе кампанія правяла некалькі мерапрыемстваў па павышэнню цэн на свае паслугі. Далейшыя змены тарыфаў будуць залежаць ад узроўню інфляцыі ў краіне.

Генеральны дырэктар СТАА «МТС» Уладзімір Карповіч у сваю чаргу сказаў, што падвышэнне тарыфаў для абанентаў сотавага аператара таксама будзе залежаць ад інфляцыйных працэсаў, якія адбываюцца ў рэспубліцы. Ён таксама паведаміў, што фінансава-эканамічныя цяжкасці мінулага года аказалі ўплыў на паказчыкі эфектыўнасці дзейнасці прадпрыемства ў даляравым эквіваленце. Разам з тым выдаткі кампаніі ў мінулым годзе былі адэкватныя яе прыбыткам.

У будучыні, па прагнозах гендырэктара, узрасце роля паслуг перадачы дадзеных, прычым паслугі галасавой сувязі будуць таннець, а асноўны прыбытак аператара будзе прыходзіцца на сучасныя сэрвісы.