Бакіева абвінавацілі ў падрыхтоўцы перавароту і фінансаванні баевікоў

Эксперты і палітолагі кажуць аб фінансаванні Бакіевым незаконных бандфармаванняў за межамі Кыргызстана.

Сёння шэраг арганізацый правялі прэс-канферэнцыю ў Бішкеку. Яны звярнуліся да органаў правапарадку і бяспекі з заклікам праверыць гэтую інфармацыю, паведамляе партал 24.kg.

Паводле слоў палітыка Маўляна Аскарбекава, эксперты і палітолагі, у тым ліку і замежныя, а таксама Інстытут Алішэра Навоі і шэраг НДА Ошскай і Джалал-Абадскай вобласцей кажуць аб магчымым уварванні бандфармаванняў, што фінансуюцца Курманбекам Бакіевым. «Гэта пытанне актыўна абмяркоўваецца сярод насельніцтва, і большасць баіцца. На поўдні ўзбекі, напрыклад, баяцца паўтораў чэрвеньскай трагедыі 2010 года», - сказаў ён.

Раней Абдзімажыт Мадмараў, старшыня «Камітэта па захаванню айчыны», папярэдзіў пра небяспеку ўварвання звонку. «У Афганістане ёсць лагеры падрыхтоўкі баевікоў для захопу Кыргызстана. У Ноакаце, Чон Алаі ёсць лагеры, якія трэніруюць 200-250 баявікоў. Іх забяспечваюць мэр горада Ош Меліс Мырзакматаў і Бакіевы. 18 ліпеня захопяць Ош і Ноакат, на поўдні пачнуцца спрэчкі і скандалы. 25 Ліпеня Курманбек Бакіеў прыбудзе ў Ош і абвесціць аб сваім захопе ўлады ў краіне», - сказаў ён.

Курманбек Бакіеў, нагадаем, быў зрынуты падчас рэвалюцыі, якая адбылася ў красавіку 2010 года. Тады ў ходзе сутыкненняў былі забітыя дзесяткі людзей. Бакіеў неўзабаве пасля гэтага пакінуў краіну і перабраўся ў Беларусь, дзе Аляксандр Лукашэнка даў яму прытулак. Кыргызскія ўлады пазней абвінавацілі яго ў шэрагу злачынстваў і запатрабавалі ў Беларусі яго выдачы. Аднак афіцыйны Менск ім у гэтым адмовіў.