У Менску расклеілі плакаты ў падтрымку Антона Сурапіна (Фота)
1- 27.07.2012, 12:44
Сябры фатографа патрабавалі вызваліць затрыманага журналіста.
У грамадскіх месцах сталіцы сябры Антона Сурапіна расклеілі плакаты, у якіх распавялі аб затрыманні фатографа і запатрабавалі яго вызваліць.
Як раней паведамляў сайт charter97.org, студэнт Інстытута журналістыкі БДУ першы выклаў у інтэрнэце фатаграфіі цацачных мядзведзяў, скінутых ліпеня 4 над Івянцом і Менскам са шведскага самалёта, які без дазволу перасёк дзяржаўную мяжу. Паводле слоў Антона, фатаграфіі яму былі высланыя па электроннай пошце. 13 ліпеня Антон Сурапін быў затрыманы супрацоўнікамі КДБ па падазрэнні ў «дапамаганні незаконнаму перасячэнню мяжы, здзейсненаму арганізаванай групай асоб», яму пагражае да сямі гадоў пазбаўлення волі.
