КДБ працягвае завабліваць шведскіх пілотаў

КДБ усё яшчэ спадзяецца прывабіць у Беларусь пілотаў шведскага самалёта, які «адбамбаваў» 4 ліпеня Менск і Івянец плюшавымі мішкамі-дэмакратамі.

«... Прапанова аб прыбыцці падданых Швецыі ў Беларусь застаецца ў сіле і выклікана неабходнасцю правядзення вочных ставак. Мы гарантуем захаванне іх праў у адпаведнасці з дзеючым заканадаўствам », - гаворыцца ў паведамленні, апублікаваным на афіцыйным сайце КДБ РБ.

«Па выніках будзе ўнесена яснасць ва ўстанаўленне ролі кожнага з фігурантаў, якія ўдзельнічалі ў незаконным перасячэнні Дзяржаўнай мяжы Рэспублікі Беларусь і іх памагатых, прынята канчатковае працэсуальнае рашэнне ў дачыненні да грамадзян Беларусі, якія праходзяць па крымінальнай справе», - падкрэсліваецца ў паведамленні.

Раней, КДБ удакладніў, што шведскія грамадзяне запрашаюцца ў Беларусь у якасці падазраваных, нагадвае АФН.

Прымаючы пад увагу празрыстыя намёкі Лукашэнкі аб датычнасці да плюшавага бамбавання экс-амбасадара Швецыі ў РБ Стэфана Эрыксана і дыпламатычны сканадал паміж дзвюма краінамі, нескладана прадказаць далейшы лёс шведскіх арганізатараў палёта, калі яны раптам надумаюць адказаць на прапанову КДБ - вочныя стаўкі, прад'яўленне абвінавачвання, сумленны і адкрыты беларускі суд, поўнае захаванне іх праў у беларускай турме, тэрмін знаходжання ў якой будзе залежаць ад паспяховасці новага гандлю палітычнымі заложнікамі.