29 траўня 2022, Нядзеля, 4:52
Сім сім, Хартыя 97!
Рубрыкі

Севярынец патрабуе пакараць турэмных цэнзараў

2
Севярынец патрабуе пакараць турэмных цэнзараў

Палітык абскарджвае забарону на перапіску з палітвязнямі Васьковічам і Статкевічам.

Палітвязень Павел Севярынец напісаў дзве скаргі ў Дэпартамент выканання пакаранняў і ў Генеральную пракуратуру на тое, што іншым палітвязням - Яўгену Васьковічу і Мікалаю Статкевічу - без тлумачэння прычын забаранілі з ім перапіску, паведамляе bchd.info.

Сустаршыня БХД патрабуе дазволіць яму аднавіць перапіску з Васьковічам і Статкевічам, а таксама пакараць цэнзараў, якія парушаюць закон.

Як паведамляў charter97.org, былому кандыдату ў прэзідэнты Мікалаю Статкевічу і актывісту БХД Яўгену Васьковічу забароненая перапіска з Паўлам Севярынцам.

Пра гэта распавяла жонка Мікалая Статкевіча Марына Адамовіч. Паводле яе слоў, мужу перадалі канверт ад Паўла Севярынца, дзе ляжаў ліст, а на ім было напісана, што перапіска забароненая.