На мяжы з Украінай па-ранейшаму чэргі

Чарга на ўезд ва Украіну з Беларусі ў пункце пропуску «Новая Гута» павялічылася да 120 аўтамабіляў.

Пра гэта паведамілі БелТА ў Дзяржаўным памежным камітэце.

Стварэнне чаргі ў гэтым пункце пропуску ў Дзяржпамежкамітэце тлумачаць тым, што пры выбары маршруту паездкі кіроўцы паводзяцца паказаннямі навігатараў, якія вызначаюць найбольш кароткі шлях, у прыватнасці па трасе Санкт-Пецярбург - Кіеў. Пры гэтым кіроўцы не знаёмяцца з інфармацыяй на сайце Дзяржпамежкамітэта аб колькасці аўтамабіляў, якія знаходзяцца ў пунктах пропуску. Улічваючы гэтыя дадзеныя, кіроўцы маглі б выбраць для выезду з краіны той пункт пропуску, у якім чэргі адсутнічаюць. Так, згодна з размешчанай на сайце Дзяржпамежкамітэта інфармацыяй, па стане на 8:00 адсутнічаюць чэргі ў пунктах пропуску «Камарын» і «Весялоўка», невялікая колькасць легкавых аўтамабіляў чакае выезду ў «Верхнім Церэбежове» (20), «Мокранах» (10) і «Новай Рудні» (15).

У Дзяржпамежкамітэце таксама паведамілі, што ў пункце пропуску «Урбаны» чарга грузавых аўтамабіляў на выезд у Латвію складае 130 машын. На беларуска-літоўскай мяжы ў пункце пропуску «Катлоўка» сабраліся 220 грузавых і 70 легкавых аўтамабіляў, «Каменны Лог» - 450 і 20, «Беняконі» - 200 і 10, «Прывалка» - 120 грузавых машын. На выезд у Польшчу ў пункце пропуску «Брузгі» у чарзе стаяць 50 грузавікоў і 100 легкавікоў, у «Дамачова» - 20 легкавых аўтамабіляў.

Інфармацыя аб чэргах у пунктах пропуску праз дзяржаўную мяжу абнаўляецца кожныя дзве гадзіны. У Дзяржпамежкамітэце рэкамендуюць кіроўцам выбіраць маршруты руху з улікам гэтых аператыўных дадзеных.