29 траўня 2022, Нядзеля, 4:21
Сім сім, Хартыя 97!
Рубрыкі

Адвакат тройчы не змог сустрэцца з Яўгенам Васьковічам

1
Адвакат тройчы не змог сустрэцца з Яўгенам Васьковічам

Пасля адмовы палітвязня двойчы напісаць прашэнне аб памілаванні на яго ўзмацніўся ціск з боку турэмнай адміністрацыі.

Так з палітвязнем, сябрам Беларускай Хрысціянскай Дэмакратыі тройчы не змог сустрэцца адвакат, якому кожны раз адмаўлялі па надуманых прычынах. У апошні раз адвакату паведамілі, што Яўген знаходзіцца ў ШЫЗА і сам не хоча бачыцца са сваім абаронцам, таму што ў яго брудная вопратка, паведамляе прэс-служба БХД.

«Відавочна, што дадзеная «прычына» адмовы ў сустрэчы цалкам надуманая. Яе мэта - ізаляцыя палітвязня. Мы ведаем, што да Яўгена даходзяць лісты толькі ад блізкіх сваякоў. І, такім чынам, пра тое, што адбываецца з ім, мы можам толькі здагадвацца», - адзначыў адказны сакратар БХД Дзяніс Садоўскі.

«БХД расцэньвае гэтыя факты як тое, што адміністрацыя хоча зламаць Яўгена Васьковіча фізічна або маральна і прымусіць яго падпісаць прашэнне аб памілаванні. Хоць і гэта, вядома, не гарантуе яго выхаду на волю, як мы бачым на прыкладзе Сяргея Каваленкі і іншых», - паведаміў Дзяніс Садоўскі.

На гэтым тыдні адвакат прыме чарговую спробу сустрэцца са сваім падабаронным і даведацца аб яго рэальным становішчы.