Мілінкевіч не прайшоў рэгістрацыю, Лябедзька і Кастусёў - прайшлі

22 жніўня, па рэкамендацыі кіраўніка Цэнтрвыбаркама Лідзіі Ярмошынай у адзін дзень, акруговыя выбаркамы па ўсёй Беларусі рэгістравалі кандыдатаў у дэпутаты.

У тым ліку па сядзібнай выбарчай акрузе № 109 сталіцы, па якой шляхам збору подпісаў грамадзян вылучаўся старшыня руху «За Свабоду» Аляксандр Мілінкевіч.

Палітыка не зарэгістравалі кандыдатам у дэпутаты. Прычына - больш за 15% правераных подпісаў, на думку акруговай выбарчай камісіі, апынуліся несапраўднымі. Экспертамі былі крыміналісты з МУС. Акрамя таго, былі прэтэнзіі да дэкларацыі аб даходах і маёмасці палітыка: Мілінкевіч задэклараваў як прыватную ўласнасць дом, але не задэклараваў зямлю пад ім (зямля ў пажыццёвым карыстанні, а не ў прыватнай уласнасці).

У той жа час лідэр Аб'яднанай грамадзянскай партыі Анатоль Лябедзька зарэгістраваны кандыдатам у дэпутаты.

«Як ні дзіўна, я прайшоў рэгістрацыю», - паведаміў Лябедзька.

Таксама кандыдатамі ў дэпутаты зарэгістраваныя экс-кандыдат у прэзідэнты Беларусі, намеснік старшыні Партыі БНФ Рыгор Кастусёў і яшчэ адзін намеснік старшыні БНФ Алесь Стральцоў.