У медальным заліку Алімпіяды-2012 Беларусь апусцілася на 18 месца

Беларусь з дзевяццю медалямі - трыма залатымі, дзвюма сярэбранымі і чатырма бронзавымі - займае 18-е месца ў агульным заліку.

8 жніўня жаночая байдарка-чацвёрка ў складзе Ірыны Памелавай, Надзеі Папок, Вольгі Худзенка і Марыны Палтаран стала бронзавым прызёрам на дыстанцыі 500 метраў з вынікам 1 хвіліна 31,400 секунды, саступіўшы камандам Венгрыі (1.30,827) і Германіі (1.31,298), нагадвае БелаПАН.

Усяго з 28 ліпеня па 8 жніўня разыграна 216 з 302 камплектаў узнагарод. Медалі на рахунку спартсменаў 76 краін:

1. Кітай - 36 залатых, 22 сярэбраныя, 19 бронзавых

2. ЗША - 34, 22, 25

3. Велікабрытанія - 22, 13, 13

4. Паўднёвая Карэя - 12, 7, 6

5. Расея - 11, 19, 22

6. Францыя - 8, 9, 11

7. Германія - 7, 15, 10

8. Італія - 7, 6, 4

9. Венгрыя - 6, 2, 3

10. Казахстан - 6, 0, 2

11. Аўстралія - 5, 12, 9

12. Нідэрланды - 5, 4, 6

13. Японія - 4, 13, 14

14. Іран - 4, 3, 1

15. КНДР - 4, 0, 1

16. Куба - 3, 3, 1

17. Новая Зеландыя - 3, 2, 5

18. Беларусь - 3, 2, 4

19. ПАР - 3, 1, 0

20. Украіна - 3, 0, 6

21. Іспанія - 2, 6, 1

22. Румынія - 2, 5, 2

23. Данія - 2, 4, 3

24. Ямайка - 2, 2, 2

25. Бразілія - 2, 1, 7

26. Польшча - 2, 1, 5

27. Харватыя - 2, 1, 1

28. Швейцарыя - 2, 1, 0

29. Эфіопія - 2, 0, 2

30. Канада - 1, 4, 9

31. Швецыя - 1, 3, 3

32. Чэхія - 1, 3, 2

33. Кенія - 1, 2, 2

34. Славенія - 1, 1, 2

35. Грузія - 1, 1, 1

35. Нарвегія - 1, 1, 1

37. Дамініканская Рэспубліка - 1, 1, 0

38. Літва - 1, 0, 1

39. Алжыр - 1, 0, 0

39. Венесуэла - 1, 0, 0

39. Грэнада - 1, 0, 0

42. Калумбія - 0, 3, 2

42. Мексіка - 0, 3, 2

44. Азербайджан - 0, 2, 2

45. Егіпет - 0, 2, 0

46. Індыя - 0, 1, 3

46. Славакія - 0, 1, 3

48. Арменія - 0, 1, 2

48. Бельгія - 0, 1, 2

48. Манголія - 0, 1, 2

51. Інданезія - 0, 1, 1

51. Сербія - 0, 1, 1

51. Тайланд - 0, 1, 0

51. Туніс - 0, 1, 1

51. Эстонія - 0, 1, 1

56. Гватэмала - 0, 1, 0

56. Кіпр - 0, 1, 0

56. Малайзія - 0, 1, 0

56. Партугалія - 0, 1, 0

56. Тайвань - 0, 1, 0

56. Фінляндыя - 0, 1, 0

62. Грэцыя - 0, 0, 2

62. Катар - 0, 0, 2

62. Малдова - 0, 0, 2

62. Сінгапур - 0, 0, 2

66. Аргенціна - 0, 0, 1

66. Ганконг - 0, 0, 1

66. Ірландыя - 0, 0, 1

66. Кувейт - 0, 0, 1

66. Марока - 0, 0, 1

66. Пуэрта-Рыка - 0, 0, 1

66. Саудаўская Аравія - 0, 0, 1

66. Таджыкістан - 0, 0, 1

66. Трынідад і Табага - 0, 0, 1

66. Турцыя - 0, 0, 1

66. Узбекістан - 0, 0, 1

Байдарачнік Алег Юрэня ў фінальным заездзе на 1.000 метраў заняў 6-е месца (3 хвіліны 32,396 секунды).

Канаіст Аляксандр Жукоўскі ў фінальным заездзе на 1.000 метраў заняў 7-е месца (3.51,166).

У скачках з шастом Станіслаў Цівончык не прайшоў кваліфікацыю з вынікам 5,20 метра. У сваёй групе ён заняў 12-е месца, сярод усіх удзельнікаў - 23-е.

Не кваліфікавалася ў фінал кідальніца молата Алена Матошка (67,03 м) - 16-е месца ў сваёй групе і 30-е сярод усіх удзельніц. Алімпійская чэмпіёнка-2008 Аксана Мянькова прайшла адбор (73,10) - трэцяе месца ў сваёй групе і восьмае сярод усіх удзельніц.

Дзесяціборац Эдуард Міхан пасля пяці дысцыплін займае 13-е месца (4.121 ачко). У бегу на 100 метраў ён быў восьмым (10,74 секунды; 919 ачкоў), у скачках у даўжыню - 24-м (6,94 метра; 799 ачкоў), у штурханні ядра - 10-м (14,75 метра; 774 ачкі), у скачках у вышыню - 23-м (1,93 метра; 740 ачкоў), у бегу на 400 метраў - шостым (48,42 секунды; 889 ачкоў).

У бегу на 800 метраў Марына Арзамасава не трапіла ў паўфінал, паказаўшы чацвёрты час у сваёй групе (2 хвіліны 8,45 секунды) і 28-ы сярод усіх удзельніц.

У паўфінале бегу на 110 метраў з бар'ерамі Максім Лынша ўстанавіў асабісты рэкорд (13,45 секунды), але не прабіўся ў фінальны забег, заняўшы сёмае месца ў сваёй групе і 15-е сярод усіх удзельнікаў.

У бегу на 1.500 метраў Наталля Карэйва выйшла ў фінал з асабістым рэкордам 4 хвіліны 2,37 секунды (шостае месца ў сваёй групе і сярод усіх удзельніц).

Кідальнік дзіды Уладзімір Казлоў з вынікам 80,06 метра не прайшоў кваліфікацыю (восьмы ў сваёй групе, 15-ы ў агульным заліку).

Скакуха ў даўжыню Анастасія Мірончык-Іванова заняла сёмае месца ў фінале (6,72 метра), Вераніка Шуткова паказала 10-ы вынік (6,54).

У жаночай барацьбе Ванэса Каладзінская (вагавая катэгорыя да 48 кг) выйграла ў 1/8 фіналу ў Жулдыз Ешымавай з Казахстана - 5:0, а ў чвэрцьфінале саступіла Кэрал Хэйн з Канады - 0:3.