Пракаповіч незадаволены тэмпамі росту ВУП

Экс-кіраўнік Нацбанка Беларусі Пётр Пракаповіч, які ў жніўні стаў памочнікам Лукашэнкі па эканамічных пытаннях, выступіў з крытыкай урада за нізкія тэмпы росту ВУП.

«Пётр Пракаповіч назваў 2012 год самым спрыяльным для развіцця эканомікі. Упершыню за 20 гадоў адбылося зніжэнне коштаў на энергарэсурсы пры адначасовым павелічэнні экспартных коштаў. Акрамя таго, Беларусь змагла скарыстацца перавагамі Адзінай эканамічнай прасторы.

Спрыяльна складаецца і ўнутраная абстаноўка - стабільны курс нацыянальнай валюты і адносна стабільныя кошты. «І ў гэтых умовах мы маем такі нізкі вынік па росту ВУП. Таму казаць пра тое, што ўрад тут зрабіў усё, не даводзіцца», - цытуе Пракаповіча прэс-служба кіраўніка.