Друквальны станок ужо «дыміцца»

Аб'ём шырокай грашовай масы (ШГМ) у Беларусі на 1 верасня 2012 года склаў эквівалент Br149 трлн 329 млрд, павялічыўшыся за студзень-жнівень на 26%.

Аб гэтым паведамляецца ў статсправаздачы Нацыянальнага банка Беларусі (НББ).

У 2012 годзе НББ планаваў абмежаваць рост ШГМ у межах 22 - 24%.

У жніўні ШГМ вырасла 6,6% пасля росту на 4,3% у ліпені і на 5,5% у чэрвені.

Аб'ём наяўных грошай у звароце (грашовы агрэгат M0) склаў на 1 верасня 2012 года Br10 трлн 290 млрд, павялічыўшыся за студзень-жнівень на 53,3% (у жніўні рост на 5,3% пасля росту на 2,9% у ліпені) . Яго доля ў структуры грашовай масы на 1 жніўня склала 6,9% супраць 6% на 1 студзеня 2012 года.

Актыўная рублёвая грашовая маса - грашовы агрэгат M1, які ўключае наяўныя грошы і бягучыя рублёвыя ўклады ў банках - на 1 верасня 2012 склала Br29 трлн 439 млрд, павялічыўшыся ў студзені-жніўні на 44,7%. У жніўні агрэгат вырас на 1,8% пасля росту 6,6% у ліпені. Доля М1 у структуры ШГМ на 1 верасня склала 19,7% супраць 18,3% на 1 студзеня 2012 года.

Рублёвая грашовая маса (грашовы агрэгат М2*), якая акрамя агрэгата М1 уключае тэрміновыя рублёвыя дэпазіты, сродкі насельніцтва і юрыдычных асоб у рублёвых каштоўных паперах, за студзень-жнівень вырасла на 42,4% (за жнівень рост на 4,5%) - да Br61 трлн 735 млрд на 1 верасня 2012 года. У тым ліку, аб'ём тэрміновых рублёвых дэпазітаў склаў Br29 трлн 408 млрд, павялічыўшыся за перыяд на 41,2% (за жнівень рост на 6,1%).

Эмісія рублёвых аблігацый банкаў за 8 месяцаў вырасла на 31,9%, да Br2, 9 трлн.

Грашовы агрэгат М2 - грашовая маса ў нацыянальным вызначэнні (з якой выключаны сродкі насельніцтва і юрыдычных асоб у рублёвых каштоўных паперах) - на 1 верасня 2012 склаў Br58 трлн 847 млрд, павялічыўшыся за студзень-жнівень на 43% (за жнівень рост на 3,9 %).

Валютныя дэпазіты на 1 верасня склалі эквівалент Br81 трлн 761 млрд, павялічыўшыся за 8 месяцаў на 28,2%, у тым ліку на 7,9% за жнівень. Доля валютных дэпазітаў на 1 верасня склала 54,8% супраць 57,3% на 1 студзеня 2012 года.

У 2011 годзе, з-за амаль трохразовай дэвальвацыі беларускага рубля, ШГМ (агрэгат М3) вырасла ў 2,2 разы, рублёвая грашовая маса (агрэгат М2*) - на 64,3%.