Алеся Макаева арыштавалі на 6 сутак

(абноўлена) Старшыню руху салідарнасці «Разам» Алеся Макаева судзілі ў судзе Цэнтральнага раёна Менска.

Яго абвінавацілі ў непадпарадкаванні супрацоўнікам міліцыі (арт. 23,4 КаАП РБ). Адміністрацыйную справу разглядаў суддзя Якунчыхін Аляксандр, піша ПЦ «Вясна».

Нагадаем, 23 верасня міліцыянты затрымалі Аляксандра Макаева. Раніцай ён накіроўваўся на пахаванне Крысціны Шацікавай на ўласным аўтамабілі, на якім быў прымацаваны бел-чырвона-белы сцяжок. Яго спынілі супрацоўнікі міліцыі і правялі дагляд аўтамабіля. У салоне яны знайшлі ўлёткі за байкот «выбараў».