Новыя санкцыі супраць Ірана

ЗША рыхтуюцца ўвесці новыя санкцыі супраць іранскай нафтавай прамысловасці.

Аб гэтым паведамляе агенцтва Reuters.

Міністэрства фінансаў ЗША ў выніку праведзенага расследавання ўстанавіла сувязь Нацыянальнай іранскай нафтавай кампаніі (НІНК) з «Вартавымі ісламскай рэвалюцыі», арганізацыяй, на якую ЗША раней накладалі санкцыі ў сувязі з арганізацыяй тэрактаў і парушэннем праў чалавека, перадае АФН.

Паведамляецца, што гэта дазваляе ЗША накладваць санкцыі на кампаніі, якія супрацоўнічаюць з НІНК, так як дадзеным чынам яны супрацоўнічаюць з тэрарыстычнымі арганізацыямі і спрыяюць развіццю іранскай ядзернай кампаніі.

Адзначаецца, што санкцыі не будуць прымяняцца да тых краін, якія ўжо скарацілі аб'ём імпарту іранскай нафты.

ЗША, Ізраіль і краіны Еўразвяза падазраюць Іран у спробах стварыць ядзерную зброю. Іранскі ўрад заяўляе, што ядзерная праграма носіць выключна мірны характар і накіравана на забеспячэнне краіны электраэнергіяй.

Іран - другі найбуйнейшы вытворца нафты сярод краін АПЕК пасля Саудаўскай Аравіі. У 2010г. Іран знаходзіўся на трэцім месцы ў свеце па аб'ёмах экспарту нафты пасля Саудаўскай Аравіі і Расеі. На долю краін Еўразвяза ў цяперашні час прыпадае каля 3% іранскага экспарту сырой нафты. Найбуйнейшым жа спажыўцом іранскага «чорнага золата» з'яўляецца Кітай, які закупляе 20% нафты рэспублікі. Паводле інфармацыі АПЕК, агульны кошт гадавога экспарту іранскай нафты складае 71,6 млрд дал.