Касінец: Людзі аплочваюць ўсяго 13,5% «камуналкі», трэба нешта рабіць

З падачы Лукашэнкі ў Беларусі пачалася шырокая дыскусія на камунальную тэму.

Сваім меркаваннем аб тым, што рабіць з тарыфамі на паслугі ЖКГ, падзяліўся губернатар Віцебскай вобласці Аляксандр Касінец.

Старшыня аблвыканкама, паведамляе БелТА, канстатаваў сумны факт: у вобласці насельніцтва пакрывае ўсяго 13,5% выдаткаў на камунальныя паслугі. А пры фарміраванні бюджэту на 2012 год гэты паказчык быў запланаваны на ўзроўні 35%. Розніца цяпер пакрываецца за кошт прафіцыту бюджэту, але гэта не справа. Па словах Касінца, гэтыя сродкі маглі б быць накіраваны не на кампенсацыю расходаў, а на развіццё жыллёва-камунальнай гаспадаркі. Так, толькі на капітальны рамонт жылля вобласці патрабуецца штогод 500 млрд рублёў, яшчэ 300 млрд неабходна на рэалізацыю праграмы «Чыстая вада». Фактычна гэтыя грошы ідуць насельніцтву, якое не пакрывае са сваёй кішэні неабходныя выдаткі. Багатыя павінны плаціць больш? Губернатар так не лічыць.

- Дыферэнцыяцыя аплаты паслуг ЖКГ па даходах насельніцтва патрабуе сур'ёзных разлікаў, а вось ўстанаўленне дыферэнцыраваных тарыфаў у залежнасці ад аб'ёмаў спажывання дазволіць кожнаму плаціць у залежнасці ад патрэбнасці, а таксама будзе стымуляваць да рацыянальнага выкарыстання рэсурсаў, - лічыць Аляксандр Касінец.