Беларусь за год напампавала 2 мільёны тон нафты

Беларусь у 2012 годзе напампавала крыху больш за 2 млн. тон нафты, уключаючы здабычу на тэрыторыі краіны і вынікі працы сумеснага з Венесуэлай «Петралера БелаВенесалана».

Здабыча нафты ўнутры РБ у 2012 годзе склала 1,66 млн. тон у параўнанні з 1,68 млн. тон нафты ў 2011 годзе: паступовае паніжэнне здабычы з-за знясілення свідравін з'яўляецца натуральным працэсам, піша АФН.

Між тым, здабыча нафты ў Венесуэле стаіць на месцы які год. Па дадзеных Беларуснафты, СП «Петралера БелаВенесалана» ў 2012 годзе здабыла 1,1 млн.т нафты (2011 год - 1,08 млн. тон) і 790 млн.куб.м газу (2011 год - 800 млн. куб м газу) .

Здабыча спадарожнага газу на тэрыторыі РБ у 2012 годзе склала 213 млн. куб.м.