Складскія паклады выраслі на 77,3%

Запасы гатовай прадукцыі на прамысловых прадпрыемствах Беларусі на 1 студзеня 2013 года склалі Br 22,193 трлн, што на 77,3% больш, чым на пачатак 2011 года.

Пра гэта паведамляе Нацыянальны статыстычны камітэт.

У снежні запасы знізіліся на 4,4% пасля росту на 4,6% у лістападзе і на 5 у кастрычніку.

Стасунак запасаў гатовай прадукцыі і сярэднямесячнага аб'ёму вытворчасці склаў 56,5% супраць 59,7% на 1 снежня 2012 года.

Найбольшы стасунак запасаў гатовай прадукцыі і сярэднямесячнага аб'ёму вытворчасці склаўся ў вытворчасці скуры, вырабаў з скуры і абутку - 212,9% (Br 688,8 млрд), у тэкстыльнай і швейнай вытворчасці - 161,7% (Br 1637,8 млрд), у вытворчасці машын і абсталявання - 118,6% (Br 5384,3 млрд).

У вытворчасці электраабсталявання, электроннага і аптычнага абсталявання запасы склалі 88,2% да сярэднямесячнага вырабу (Br 1094,7 млрд.), у вытворчасці гумавых і пластмасавых вырабаў - 77,4% (943,7 млрд), транспартных сродкаў і абсталявання - 70 % (Br 1591 млрд), у вытворчасці харчовых прадуктаў - 68,2% (Br 5370,3 млрд), у металургічнай вытворчасці і вытворчасці гатовых металічных вырабаў - 61,1% (Br 1441,7 млрд).

Мінімальныя запасы на 1 студзеня былі ў вытворчасці нафтапрадуктаў - 3,7% да сярэднямесячнага вырабу (Br 237,5 млрд.) і здабычы паліўна-энергетычных карысных выкапняў - 1,8% (Br 11,4 млрд).