Прафанацыя на $2,5 мільярды

Дзяржкамітэт маёмасці прапануе прадаць мінарытарныя пакеты акцый ААТ «Беларуськалій» и «Нафтан».

Залежнасць ад валютных рат крэдыту АКФ ЕўрАзЭС прымусіла беларускія ўлады ўспомніць свае абавязанні ў гэтым стабілізацыйным крэдыце, у тым ліку продаж дзяржуласнасці на $2,5 млрд у год, піша АФН.

"Урадам на 2013 год пастаўленая задача Дзяржкаммаёмасці, дзяржаўным органам, аблвыканкамам фармаванняі пераліку аб'ектаў, продажы якіх дазволіць прывабіць замежных інвестыцый у суме не менш як $2,5 млрд", - паведаміў сёння кіраўнік ДКМ Георгій Кузняцоў.

У пачатку 2012 года беларускія ўлады адмовіліся ад усіх прыватызацыйных пералікаў. А дакладней ад прыватызацыі. У выніку былі прададзеныя дзяржпакеты 10 прадпрыемстваў на суму Br185,4 млрд. Як вынік, Рада АКФ ухваліла выдачу Беларусі 4-й раты крэдыту ў суме $440 млн даляраў, аднак грошы да гэтага часу не пералічаныя ў Беларусь. Не выключана, што новы прыватызацыйны спіс на $2,5 млрд, пра які згадаў Кузняцоў, і ёсць тая сакрэтная ўмова, якую ўлады РБ павінны неадкладна выканаць, калі хочуць папаўнення ЗВР.

Што-што, а пералікі адрозна ад рэальнай прыватызацыі беларускія ўлады маляваць умеюць. І мяркуючы з ўсяго, ДКМ рыхтуе чарговую прафанацыю, якую можна будзе ўсім паказаць для дэманстрацыі зноў узніклых ва ўлад РБ прыватызацыйных жаданняў, але ажыццявіць якія на практыцы ніхто не зможа нават пры дапамозе залатой рыбкі, а таму і не будзе спрабаваць.

"Для выканання задання ($2,5 млрд) павінна быць забяспечана прыняцце прынцыповай палітычнай пастановы аб магчымасці продажу высокаліквідных актываў", - агучыў Кузняцоў прысуд рыхтаванага пераліку.

"Прапануем прадаць частку акцый "Нафтана", "Беларуськалія", дзе рэальна можам атрымаць $2,5 млрд, але пытанне не пасоўваецца", - панаракаў ён.

Зразумела, што такімі дзяржпакетамі куды прасцей выканаць сваё абавязанне забеспячэння прыватызацыйнага даходу на $2,5 млрд, чымся набіраць вялізную паводле беларускіх мерак суму заводамі вулеяў і прадпрыемствамі для рамонту аўтакранаў. Марыць Кузняцову забараніць ніхто не можа, але на акцыі высокаліквідных беларускіх дзяржпрадпрыемстваў ДКМ можа нават не квапіцца.