На гандаль выставілі скрыпку, пад якую тануў «Тытанік» (Відэа)

У Велікабрытаніі рыхтуюцца выставіць на аўкцыён прадмет сапраўды вельмі каштоўны.

Спецыялісты не бяруцца прагназаваць, якім можа апынуцца выніковы кошт скрыпкі, якая іграла да апошніх хвілін «Тытаніка».

Гэтая скрыпка - легенда гісторыі пра «Тытанік». Да апошняга часу ўвогуле мала хто верыў у існаванне гэтага інструмента. 100 гадоў таму яна была набытая за 50 фунтаў, а цяпер яе ацэначны кошт складае больш за 300 000 - за інструмент, на якім нават іграць нельга.

Скрыпка трэснула ў двух месцах пасля таго, як інструмент некалькі дзён правёў у салёнай вадзе. Скрыпка належала кіраўніку ансамбля, скрыпачу Уолесу Харві, які прывязаў да сябе чамадан з інструментам, калі «Тытанік» пайшоў на дно.

Крысціян Тэнісан-Экеберг, гісторык: «Яго цела было знойдзена праз некалькі дзён у вадзе. Скрыпка была для яго самым дарагім: незадоўга да смерці ён атрымаў яе ў падарунак ад сваёй каханай з нагоды заручын, пра што кажа дароўная шыльда».

Аб адным з самых драматычных эпізодаў крушэння легендарнага «Тытаніка» - карэспандэнт НТВ Антон Вольскі.